Բագրատ Սրբազանը առաջիկա անելիքների մասին

Հանրապետության հրապարակում հրավիրած հանրահավաքում «Տավուշը հանուն հայրենիքի» շարժման առաջնորդ Բագրատ Սրբազանը հայտարարեց առաջիկա օրերի անելիքները։

«Վաղը Հայաստանի 10 վայրերում անհնազանդության գործողություններ են իրականացվելու։ Վաղը չի լինելու հանրահավաք, ես տարբեր մասնագիտական ու փորձագիտական խմբերի հետ եմ հանդիպելու, վերածրագրելու ենք մեր առաջիկա ամբողջ անելիքները, թե կոնկրետ թիրախային ու նպատակային ինչ ենք անելու։ Մեր անելիքները պետք է լինեն շատ թիրախային ու կազմակերպված, եւ մենք կհաղթենք։ Կիրակի օրը երեկոյան՝ ժամը 18։30-ին հանդիպում ենք եւ կոնկրետ պայմանավորվում ենք, թե ինչ ենք իրականացնելու»,- ասաց նա։

Բագրատ Սրբազանը նշեց, որ ԱԺ երկու խմբակցությունները հաստատել են իրենց պատրաստակամությունը՝ անվստահություն հայտնելու Նիկոլ Փաշինյանին։ «Ոչ ոք մեզ օրակարգ չի թելադրելու, մենք շարժվելու ենք մեր թելադրած օրակարգով, այդ օրակարգից դուրս չենք գալու, ինչքան էլ փորձեն շեղել»,- ասաց նա։