Ինչպե՞ս հայտնվեցին ռուս զինվորականները Տավուշում և Սյունիքում. Փաշինյանը դեռ պետք է պատասխանի այս հարցին
- 15:27 11.05.2024
Մայիսի 8-ին Մոսկվայում Պուտինի և Փաշինյանի բանակցությունների ընթացքում համաձայնեցվել է ռուս զինվորականների և սահմանապահների դուրսբերումը Հայաստանի մի քանի շրջաններից։ Այս տեղեկությունը տարածել է հայ պատգամավոր Հայկ Կոնջորյանը եւ հաստատել ՌԴ նախագահի մամուլի քարտուղար Դմիտրի Պեսկովը։
Միևնույն ժամանակ, Պեսկովի խոսքով, «հայկական կողմի խնդրանքով» ռուս սահմանապահները կմնան Թուրքիայի և Իրանի հետ Հայաստանի սահմանի հատվածներում։
Ռուս զինվորականներն ու սահմանապահները հայտնվել են Տավուշի, Գեղարքունիքի, Սյունիքի, Վայոց ձորի և Արարատի մարզերում բացարձակապես առանց օրինական կամ պայմանագրային հիմքերի։ Պաշտպանության նախարարներ Վաղարշակ Հարությունյանի և Արշակ Կարապետյանի օրոք ռուսական զորքերը սկսեցին հայտնվել պայմանագրերով չընդգրկված Հայաստանի տարածքներում։
Հիշեցնենք, որ ռուս-հայկական պայմանավորվածությունների համաձայն՝ ՌԴ ԱԴԾ սահմանապահ զորքերը տեղակայված են բացառապես Իրանի և Թուրքիայի հետ Հայաստանի սահմանին, իսկ ռուս զինվորականները պետք է մշտական տեղակայման վայրերում գտնվեն՝ 102-րդ բազայում Գյումրիում և Երևանի Էրեբունի օդանավակայանում։
Այսինքն՝ այլ վայրերում ռուսական զորքերը ապօրինի են գտնվում եւ՝ ըստ սահմանման օկուպացիոն ուժեր են։ Սակայն նրանց հետ կանչելու որոշումը չի նշանակում, որ նրանք ֆիզիկապես կլքեն այդ տարածքները։
Նիկոլ Փաշինյանը չասաց, որ զորքերը ապօրինի են եղել, պարզապես նշեց, որ իրավիճակ է փոխվել, և նրանց ներկայությունը տեղին չէ։ Եվ պետք է ենթադրել, որ այժմ խոսքը Ադրբեջանի հետ պայմանական սահմանին ռուսական զորքերի ու սահմանապահների ներկայությունն օրինականացնելու մասին է։ Սա կարող է լինել այն պայմանավորվածության մի մասը, որը Միրզոյանն ու Փաշինյանը այժմ բանակցում են Ալմաթիում։ Ալիեւը չի թաքցնում, որ գոհ կլինի ռուսական զորքերի առկայությունից, մասնավորապես, Մեղրիի ճանապարհին։
Եվ մինչ համաձայնություն չկա, Փաշինյանն ու Պուտինը ձևացնում են, թե Երևանը հասել է ռուսական զորքերի դուրսբերմանը, ինչը, ըստ երևույթին, պետք է միավորներ ավելացնի Փաշինյանին՝ Հայաստանում քաղաքացիական բողոքի ալիքի և համառ հարցադրումների պայմաններում։
Նիկոլ Փաշինյանը դեռ կներկայանա ազգային տրիբունալի առջև և կպատասխանի այն հարցերին, թե ինչ իրավունքով է միակողմանի որոշումներ կայացրել՝ կապված տարածքային ամբողջականության և ազգային շահերի հետ։ Այդ հարցերից մեկն էլ ռուսական զորքերին հայկական հողի վրա՝ Արցախում, Հայաստանի մարզերում գործելու ազատություն տալն է առանց որեւէ հիմքի։