«Պահանջում ենք արցախցիների վերադարձ հայրենիք». ակցիա ԱԳՆ մոտ, որտեղ գտնվում է ԵԱՀԿ գործող նախագահը
- 10:22 13.05.2024
Աշխատանքային այցով Հայաստան է ժամանել ԵԱՀԿ գործող նախագահ, Մալթայի Հանրապետության արտաքին գործերի, եվրոպական հարցերի և առևտրի նախարար Յան Բորգը։ Այժմ նա ԱԳՆ-ում հանդիպում է Արարատ Միրզոյանի հետ։
Արտաքին գործերի նախարարության շենքի մոտ մի խումբ իրավապաշտպաններ եւ քաղաքացիներ բողոքի ակցիա են անցկացնում՝ արցախցիներին հայրենիք վերադարձը ապահովելու պահանջով։
Հիշեցնենք, որ ԵԱՀԿ Մինսկի խումբն ունի արցախյան հիմնախնդրի կարգավորման ուղիներ գտնելու բացառիկ մանդատ։ Չնայած ղարաբաղյան հակամարտության ուժային լուծման մասին Ալիևի հայտարարություններին և այդ հարցը քննարկելուց Հայաստանի ղեկավարության մերժմանը, Մինսկի խմբի մանդատը դադարեցված չէ, և ղարաբաղյան խնդիրը մնում է ԵԱՀԿ պատասխանատվության գոտում։