Նեմեսիսը ահաբեկչության հետ կապ չունի․ Համբիկ Սասունյանը իրավական քայլեր կձեռնարկի

«Տավուշը հանուն հայրենիքի» շարժման առաջնորդ Բագրատ Սրբազանն իր համակիրների հետ «Նեմեսիսի» հուշարձանի մոտ էր։ Նա իր խոսքում շեշտեց, որ «Նեմեսիսն» ահաբեկչության հետ կապ չունի։

«Սա այն ճմլված, ցեղասպանված մարդկանց ճիչն ու աղաղակն է, որ այս հերոս մարդիկ անձնական պատասխանատվություն ստանձնելով՝ իրագործեցին։ Նրանք փորձեցին իրենց սահմանափակ միջոցներով Հայոց հարցը որպես ամբողջություն, ներկայացնել աշխարհին՝ անկախ նրանից նրանք կզոհվե՞ն, թե՞ կպիտակավորվեն։ Սա ուխտ է մեզ համար, որ մենք մեր ընթացքում պիտի վերականգնենք և ձգտենք ունենալու պատիվ և հայրենիք. չկա այլ ճանապարհ մեզ համար։ Մենք պետք է լինենք հատուկ ազգ»,- ընդգծեց Սրբազանը։

Կարմիր բերետավորը «Հայկական Ցեղասպանության Արդարության մարտիկներ» գաղտնի կազմակերպության անդամ Համբիկ Սասունյանին բերման ենթարկելիս բռունցքով հարվածել է նրան։ Այս մասին նա պատմել է լրագրողներին։

Նա նշել է, որ գնալու է իրավական ճանապարհով և այդ քայլն արած անձը ենթարկվելու է պատասխանատվության։

Հիշեցնենք, որ Բաքվի ԶԼՄ-ները հատուկ ուշադրություն են դարձնում “ռեւանշիստական” թեզերին, կապելով նեմեսիսի կոչերն ու Համբիկ Սասունյանի նմանների մասնակցությունը Շարժմանը ահաբեկչության հետ։ Նեմեսիսը եւ իրավունքների պաշտպանությունը բոլոր թույլատրված ձեւերով վաղուց տաբուի տակ է Հայաստանում։