Ռուսական բանակը մտավ Վոլչանսկ. Խարկովը գրավելու վտանգ կա՞

Ռուսական բանակը մտել է Խարկովի մարզի հյուսիս-արևելքում գտնվող Վոլչանսկ քաղաք՝ ռուս-ուկրաինական սահմանից 4 կմ հեռավորության վրա և փորձում է առաջ շարժվել մեկ այլ ուղղությամբ՝ շրջկենտրոնից հյուսիս գտնվող Լիպցի գյուղի ուղղությամբ։

Խարկովի շրջանի վրա մայիսի 10-ին Բելգորոդի շրջանից սկսված հարձակման արդյունքում ռուսական զորքերին հաջողվել է գրավել սահմանամերձ մեկ տասնյակ գյուղ, իսկ Ուկրաինայի զինված ուժերը ստիպված են եղել նահանջել սահմանից մի քանի կիլոմետր հեռավորության վրա։ Ուկրաինայի ղեկավարությունը պնդում է, որ իրավիճակը կայունացել է։

Ուկրաինայի զինված ուժերի գլխավոր շտաբը մայիսի 15-ի գիշերը հայտնել է, որ Խարկովի մարզի Լուկյանցևի և Վոլչանսկի շրջաններում Ուկրաինայի զինված ուժերը տեղափոխվել են ավելի շահեկան դիրքեր։

Այժմ մենք տեսնում ենք, որ նրանք ուժ չունեն իրականացնելու Խարկով քաղաքը գրավելու իրենց մտադրությունը, կարծում են ուկրաինացի փորձագետները։