Փարիզը Բաքվին մեղադրել է Նոր Կալեդոնիայում միջամտության մեջ
- 00:15 17.05.2024
DW
Նոր Կալեդոնիայի ֆրանսիական անդրծովյան տիրապետության տարածքում համատարած անկարգությունների ֆոնին Ֆրանսիայի ներքին գործերի նախարար Ժերալդ Դարմանինը մեղադրել է Ադրբեջանին միջամտության մեջ: Անջատողականներից մի քանիսը համաձայնագիր են կնքել Ադրբեջանի հետ, հինգշաբթի օրը՝ մայիսի 16-ին, France 2 ռադիոկայանին տված հարցազրույցում ասել է Դարմանինը։
Ըստ ֆրանսիական լրատվամիջոցների՝ Փարիզը խիստ զայրացած է, որ Ադրբեջանը մեկ տարի առաջ իր հիմնած Բաքվի նախաձեռնող խմբի օգնությամբ դատապարտում է «ֆրանսիական գաղութատիրությունը» և աջակցություն ցուցաբերում Նոր Կալեդոնիայի անկախության կողմնակիցներին։
Նոր Կալեդոնիայում ցուցարարները ծածանում են ադրբեջանական դրոշները և կրում Բաքվի նախաձեռնող խմբի տարբերանշանով շապիկներ։ Վերջերս կալեդոնացի քաղաքական գործիչներից մեկը հրավիրվել է Բաքու և ուղևորությունից հետո հայտարարել է, որ Ադրբեջանն աջակցում է Նոր Կալեդոնիայի անկախության ձգտումներին, հաղորդում են France Info ռադիոկայանը և L’Express ամսագիրը։