Բագրատ Սրբազանի հեռատես քայլը

Վաղը ժամը 13:00-ին Անի Գրանդ հյուրանոցում Բագրատ Սրբազանը կհանդիպի Արցախի կառավարության անդամների, ԱԺ պատգամավորների և համայնքների ղեկավարների հետ: Այս մասին հայտնում է շարժման տելեգրամյան ալիքը:

Արհեստական ստեղծված տաբուների ֆոնին, Արցախի բնական քաղաքական գործոնը չեզոքացնելու եւ նույնիսկ Արցախի գոյությունը մոռացության մատնելու փորձերը հայ հասարակության մեջ ծուր հայելու էֆեկտ է առաջանում։ Հայկական քաղաքականությունը կառուցվում է երկու հակակշռի վրա՝ Արցախում հող պահելու եւ մնացյալ Հայաստանում ժամանակակից ազատ տնտեսություն կառուցելու վրա։ Հիմա փորձ է արվում հանել մի հակակշիռը, եւ այդ պատճառով ամբողջ կառույցը փլվում է։

Եթե ցանկություն կա պահպանել Հայաստանը որպես պետություն եւ ռազմա-քաղաքական միավոր, առանց Արցախի գործոնի անհնարին է դա անել։

Բագրատ Սրբազանը խոհեմ քայլ է անում, հանդիպելով Արցախի կառավարության անդամների, ԱԺ պատգամավորների և համայնքների ղեկավարների հետ։ Չնայած հայկական կառավարության ներկայիս ջանքերին՝ ցրել արցախցիներին իրենց դարդերով, Արցախը գոյույթյուն ունի՝ Մինսկի խումբը եւ միջազգային մանդատը պահպանվում է, 150 հազ․ մարդ պատրաստ են տեր կանգնել հայկական իրավունքներին եւ շահերին, համարելով, որ Արցախն ու Հայաստանը չեն կարող անջատ լինել։

Բագրատ Սրբազանին արդեն հաջողվել է մի քանի կարեւոր հարց վերադարձնել ակտուալ դաշտ եւ ապացուցել, որ իշխանությունները այդքան էլ անձեռմխելի եւ անբիծ չեն, որ մի մարդու որոշմամբ չպիտի հարցեր լուծվի։ Հիմա Սրբազանը պատրաստվում է վերաակտուալացնել Արցախի գործոնը։ Այդ գործոնը, հակառակ ՔՊ-ի պնդումներին, ոչ թե վտանգ է, այլ հսկայական ռեսուրս է Հայաստանի համար։ Դա իրավունքների եւ ազատագրական փաստարկների մի ամբողջ շտեմարան է։