Դուք այս ի՞նչ եք անում, դուք ոտնահարել ու այլանդակել եք բոլոր համակարգերը

Արծվիկ Մինասյանն ասաց, որ ԱԺ նստաշրջանի օրակարգում ներառված չեն այսօր հանրությանը հուզող օրակարգային հարցերը։

«Առանց հաշվի առնելու տարրական իրավական գիտելիքը, դուք օգտագործում եք «սահմանի վերարտադրություն» արտահայտությունը։ Բացեք տեսեք՝ ՀՀ որեւէ օրենքում «սահմանի վերարտադրություն» հասկացություն կա՞։ Դուք այս ի՞նչ եք անում, դուք ոտնահարել ու այլանդակել եք ոչ միայն իրավական, քաղաքական, բարոյական համակարգերը, դուք ամեն ինչ տանում եք, հանձնում եք, ինչի՞ համար՝ ձեր աթոռների համար, որ մնաք այդ աթոռին կպած։ Կպեք, ինչքան կպնեք, այնքան կսոսնձվեք, բայց որ հեռացվեք, աթոռն էլ ձեզ հետ է հեռացվելու եւ փոխարինվելու է նորմալ ազգային աթոռով»,- հայտարարեց Արծվիկ Մինասյանը։