Ալեն Սիմոնյանը համոզված է, որ Հայաստանն ունի հստակ սահման՝ իրավական հիմքերով

«Պարո՛ն Մինասյան, ստացվում է, որ դուք ձեր բառապաշարով պնդում եք, որ Հայաստանը որեւիցե սահման չունի՞, հա՞։ Մենք ինչ-որ սահմանով անկախացել ենք, չէ՞»,- ԱԺ նիստում «Հայաստան» խմբակցության պատգամավոր Արծվիկ Մինասյանին դիմեց ԱԺ նախագահ Ալեն Սիմոնյանը։

Արծվիկ Մինասյանն ԱԺ ամբիոնից, դիմելով ՔՊ-ին, ասել էր․ «Առանց հաշվի առնելու տարրական իրավական գիտելիքը, դուք օգտագործում եք «սահմանի վերարտադրություն» արտահայտությունը։ Բացեք տեսեք՝ ՀՀ որեւէ օրենքում «սահմանի վերարտադրություն» հասկացություն կա՞»։

Ալեն Սիմոնյանն արձագանքեց․ «Հիմա դուք ԱԺ ամբիոնից հայտարարում եք, որ Հայաստանի Հանրապետությունը սահման չունի։ Հիմա որ մեր հակառակորդը գա, ձեր գրասենյակի մոտ պոստ դնի, ասի՝ Արծվիկ Մինասյան ասել է՝ սահման չկա, այդ ժամանակ ի՞նչ եք ասելու։ Հետեւեք ձեր բառապաշարին, Հայաստանն ունի հստակ սահման՝ իրավական հիմքերով»։