Ռուսաստանը Հարավային օկրուգում մարտավարական միջուկային զենքով վարժանքներ է սկսել
- 06:44 22.05.2024
Ռուսաստանի պաշտպանության նախարարությունը հրապարակել է ոչ ռազմավարական միջուկային զենքի պատրաստման և օգտագործման գործնական պարապմունքով վարժանքների կադրեր։
Տեսանյութում ցուցադրվում է «Իսկանդեր» օպերատիվ-մարտավարական համակարգերի տեղակայումը և դրանց վրա հրթիռների տեղադրումը, ինչպես նաև «Կինժալ» հիպերձայնային հրթիռների կրիչը՝ ՄիԳ-31 կործանիչը օդանավակայանում։
Հարավային ռազմական օկրուգում ընթանում է ոչ ռազմավարական միջուկային զենքի պատրաստման և կիրառման գործնական փորձարկումներով զորավարժությունների առաջին փուլը։
Հիշեցնենք, որ Հարավային ռազմական օկրուգի մեջ է մտնում նաեւ Հայաստանում տեղակայված 102-րդ ռուսական ռազմաբազան։
Հիշեցնենք նաև, որ Ռուսաստանը բազմիցս ակնարկել է Ուկրաինայում և Ուկրաինային օգնող երկրների դեմ մարտավարական միջուկային զենք կիրառելու հավանականության մասին։