17 հազար արցախցի երեխաներ սովորում են հայկական դպրոցներում, մնացածը արտագաղթել են
- 18:07 24.05.2024
Արցախի Հանրապետության մարդու իրավունքների պաշտպանի գրասենյակի տվյալներով՝ Արցախի բնակչության արտաքսման արդյունքում Հայաստան է ժամանել ավելի քան 30 հազար երեխա, որից ավելի քան 21 հազարը դպրոցահասակ երեխաներ են։
Այսօր հայկական դպրոցներում ուսումնական տարին ավարտեց արցախցի մինչև 17 հազար երեխա։ Մնացած երեխաները, ըստ գրասենյակի, ընտանիքներով Հայաստանից արտագաղթել են սոցիալական և կենցաղային խնդիրների պատճառով։
Հայաստանն ու Արցախը միասնական կրթական համակարգ ունեն. արցախցի երեխաներն առանց բյուրոկրատական քաշքշուկի ընդունվել են դպրոցներ և ստանում են անվճար կրթություն։
Լեռնային Ղարաբաղի օմբուդսմեն Գեղամ Ստեփանյանը չի բացառում, որ ուսումնական տարվա ավարտից հետո Հայաստանից արտագաղթի տեմպերը կտրուկ կաճեն։
Ալվարդ Գրիգորյան