Եվրոպացի քաղաքական գործիչները գնալով ավելի են խոսում Արցախի օկուպացիայի և նրա կարգավիճակի որոշման անհրաժեշտության մասին
- 21:06 24.05.2024
Չմոռանանք Հայաստանը: Հարյուր հազարավոր փախստականներ Հայաստան են մտել Ադրբեջանի բռնազվթածԼեռնային Ղարաբաղից, որտեղ մարդու իրավունքների խախտումներն ակնհայտ են։ Դրա մասին սոցցանցերում գրել է Չեխիայի խորհրդարանի Պատգամավորների պալատի փոխխոսնակ Յան Բարտոշեկը։
«Անգամ եթե հայրենական լրատվամիջոցներում դրա մասին առանձնապես չի խոսվում, հայերը մարդասիրական օգնության կարիք ունեն: Դրա և շատ-շատ այլ բաների մասին այսօր խոսել եմ Հայաստանի դեսպանի հետ»,- գրել է չեխ պաշտոնյան։
Եվրոպական երկրների ներկայացուցիչները սկսեցին ավելի հաճախ իրերն անվանել իրենց անուններով՝ նշելով, որ ղարաբաղյան հակամարտությունը, նույնիսկ Ալիևի, Պուտինի և Փաշինյանի մեծ ցանկությամբ, չի լուծվել. Ղարաբաղը օկուպացված է, և, ինչպես ասել է Լյուքսեմբուրգի Ներկայացուցիչների պալատի նախագահը, անհրաժեշտ է դատապարտել 1994 թվականի զինադադարի ուժային խախտումը և սկսել Ղարաբաղի կարգավիճակի որոշման ընթացակարգ։