Ստոլտենբերգ. ժամանակն է թույլ տալ Կիևին օգտագործել ՆԱՏՕ-ի զենքերը Ռուսաստանի տարածքում

ՆԱՏՕ-ի գլխավոր քարտուղար Յենս Ստոլտենբերգը Economist-ին տված հարցազրույցում, դաշինքի անդամ երկրներին, որոնք Ուկրաինային զենք են մատակարարում, կոչ է արել չեղարկել Ռուսաստանում ռազմական օբյեկտների վրա հարձակումների համար դրանց օգտագործման սահմանափակումները:

«Ժամանակն է, որ դաշնակիցները մտածեն վերացնելու որոշ սահմանափակումներ, որոնք նրանք դրել են Ուկրաինային փոխանցվող զենքի օգտագործման վրա», – ասել է Ստոլտենբերգը մայիսի 24-ին տված հարցազրույցում։ «Հատկապես հիմա, երբ Խարկովում՝ սահմանի մոտ ծանր մարտեր են ընթանում, Ուկրաինային մերժելը այդ զենքերը Ռուսաստանի տարածքում օրինական ռազմական թիրախների դեմ օգտագործելու համար ավելի է դժվարացնում իր տարածքի պաշտպանությունը»:

Ստոլտենբերգի համար Ուկրաինային թույլ տալը հարձակվել Ռուսաստանի թիրախների վրա արևմտյան զենքով և ՆԱՏՕ-ի անմիջական մասնակցությունը հակամարտությանը նույն բանը չէ, նշում է Economist-ը։

«Մենք վարժանքներ ենք անցկացնում, զենք ու զինամթերք ենք տրամադրում Ուկրաինային, բայց ՆԱՏՕ-ի տարածքից ուղղակիորեն չենք մասնակցի Ուկրաինայի կամ Ուկրաինայում մարտական ​​գործողություններին։ Սա բոլորովին տարբեր հարցեր են»,- ասել է Ստոլտենբերգը։

Ուկրաինայի նախագահ Վլադիմիր Զելենսկին պարբերաբար կոչ է անում արևմտյան գործընկերներին «ցուցաբերել վճռականություն» և թույլ տալ, որ այն օգտագործվի Ռուսաստանի տարածքի վրա հարձակումների համար։