Առավոտից Հայաստանում անհնազանդության ցույցեր են, ճանապարհներ են փակվում, ընդդիմադիրները բերման են ենթարկվում
- 10:55 27.05.2024
Հետևելով «Տավուշը հանուն հայրենիքի» շարժման առաջնորդ, ՀԱԵ Տավուշի թեմի առաջնորդ Բագրատ արքեպիսկոսպոս Գալստանյանի կոչին, քաղաքացիները վաղ առավոտից փակել են Երևան-Արմավիր մայրուղին՝ Արշալույս և Փարաքար գյուղերի հավածում։
Փարաքար գյուղի հավածում հավաքված են ոստիկանական մեծ ուժեր, որոնք արդեն բացել են ճանապարհը։ Այս հատվածում նաև խցանում է առաջացել։
Բացի այդ, քաղաքացիները տևական ժամանակ փակ են պահում Երևան-Աշտարակ ճանապարհը։ Փակ է նաև Ուլենեցու փողոցը։
Նախօրեին Հանրապետության հրապարակում Տավուշի թեմի առաջնորդ Բագրատ Սրբազանը հայտարարել է, որ բաց պետք է մնան միայն Լոռի և Տավուշ գնացող ճանապարհները։ «Մնացած բոլոր հնարավոր և անհնար տարբերակներով, Մեղրիից սկսած, բոլոր տեղերում անհնազանդության գործողություններ են տեղի ունենալու։ Բոլոր տեղերում։ Ես ժամը 08։15 լինելու եմ Սուրբ Աննա եկեղեցու բակում՝ մինչ այդ իմ անելիքը կատարա:
Մենք պետք է ճնշում գործադրենք, չթողնենք իրենց որևէ հնարավորություն՝ աշխատանքի գալու, որովհետև նրանք աշխատանք չունեն, վաղուց ազատված են էդ գործից, պատասխանատվություն չեն կրում ոչ մի բանի համար։ Ե՛վ բարոյապես, և՛ իրավապես ամբողջությամբ ինքնազրկել են իրենց՝ լինելու այն պաաշտոնյաները, որոնց դուք վարձել եք։ Իրենց բառերն եմ ասում․ դուք վարձել եք իրենց, ժողովո՛ւրդ, և այդ վարձի գինն իրենք պետք է վճարեն»,- հայտարարել էր նա:
«Ազգային ճակատ» տեելգրամյան ալիքը հայտնել է, թե Երեւանում եւ մարզերում որ փողոցներն ու ճանապարհներն են փակվել անհնազանդության ակցիաների մասնակիցների կողմից:
Այսօր առավոտից արգելափակվել են
Երևան-Աշտարակ ճանապարհը
Աբովյան փողոցը
Հին Երևանցու փողոցը
Սայաթ-Նովա-Աբովյան խաչմերուկ
Հանրապետության փողոցը
Տերյան փողոցը
Թումանյան-Խանջյան խաչմերուկը
Գարեգին Նժդեհի փողոցը
Կորյունի փողոցը
Ազատության պողոտան
Երևան-Արմավիր ճանապարհը
Աբովյան-Մոսկովյան խաչմերուկը
Մաշտոցի պողոտան
Խանջյան փողոցը
Երևան Սևան մայրուղին
Խանջյան-Տիգրան Մեծ խաչմերուկը
Ծարավ Աղբյուր-Խանջյան խաչմերուկը
Խանջյան-Վարդանանց խաչմերուկը
Դավիթ Անհաղթի փողոցը
Բաղրամյան պողոտան
Արմավիր-Մեծամոր ճանապարհը
Խանջյան փողոցը
Ռուբինյանց փողոցը
Աճառյան փողոցը
Սայաթ Նովա-Տերյան խաչմերումը
Տերյան փողոցը
Ծովակալ Իսակովի պողոտան
Խանջյան փողոցը
Բերման ենթարկված քաղաքացիներն հայտնում են, որ բաժիններում այլևս տեղ չկա: Այս մասին տեղեկանում ենք «Տավուշը հանուն հայրենիքի» շարժման ֆեյսբուքյան էջից:
«Քաղաքացիներին ստիպված բաժնից բաժին են տեղափոխում` ազատ տեղերի փնտրտուքով», – հայտնում են շարժումից: