Հայկական քաղաքակրթության ուրացում․ կհայտարարվի՞ իրավահաջորդությունը

Աշխարհասփյուռ հայությունը նշում է Առաջին Հանրապետության հիմնադրման և Սարդարապատի հերոսամարտում տարած պատմական հաղթանակի 106-ամյակը՝ Հանրապետության օրը: Այս բառերով է սկսել պետական գործակալությունը Մայիսի 28-ի տոնակատարության մասին իր տեղեկությունը։

Չնայած, որ մայիսի 28-ը տոնական եւ ոչ աշխատանքային օր է Հայաստանում, չի նշվում, որ Հայաստանի Հանրապետությունը եւս նշում է Առաջին Հանրապետության հիմնադրման և Սարդարապատի հերոսամարտում տարած պատմական հաղթանակի 106-ամյակը՝ Հանրապետության օրը։

Դա պատահական չէ՝ ներկայիս կառավարությունը ամեն կերպ փորձում է տարանջատել ՀՀ-ն “պատմական Հայաստանից” եւ իրավահաջորդությունից, ուրանալով հայկական բոլոր իրավունքները եւ պահանջատիրությունը։ Ինչպես գրում են ԶԼՄ-ները, Նիկոլ Փաշինյանն այսօր առաջին անգամ այս տարիների ընթացքում չի այցելի Սարդարապատ։ Եւ ոչ այն պատճառով, որ Սարդարապատը երեկ երեկոյան “պաշարել են” Բագրատ սրբազանի կողմից առաջնորդվող շարժման մասնակիցները։ Նա չի այցելելու, քանի որ համարում է Առաջին հանրապետությունը “թշնամական”, ինչպես “թշնամական” է Արցախը։

“1918-ի մայիսի 28-ին Ղարաքիլիսայում, Բաշ-Ապարանում, Սարդարապատում տված կենաց-մահու ճակատամարտերում տարած հաղթանակով վերականգնվեց հայ ժողովրդի անկախությունը, որը կորցրած էր շուրջ 9 դար առաջ”, գրում է պետական գործակալությունը։

Այսինքն՝ 1000 տարի առանց պետականություն։ Թեկուզ բոլորը խոսում են հայկական քաղաքակրության մասին։

«Մենք հատուկ հարգանքով ենք վերաբերվում Հայաստանի հինավուրց պատմությանը, հարուստ մշակույթին և ավանդույթներին”,- ասել է Ղազախստանի նախագահ Տոկաեվը Երեւանում։

«Ես, որպես ֆրանսիացի, զարմացած եմ, որ միակ օտարերկրացի թագավորը, որ հանգչում է Ֆրանսիայի Սեն Դենիում գտնվող թագավորների նեկրոպոլիսում, հայ թագավորը: Խոսքը Կիլիկիայի թագավոր Լեւոն Լուսինյանի մասին է», գրել է Ֆրանսիայի դեսպանը։

Ռուսներն էլ լավ գիտեն հայկական քաղաքակակրթության մասին, որի ծնունդն է Ռուսիան։

«Ես տեսա այսօրվա մեր զրույցի նպատակը և տեսա նաև Հայաստանի պաշտոնական կառույցների ներկայացուցիչներից մեկի մեջբերումը, որն ասաց, որ Հայաստանը եվրոպական ժողովրդավարական և ինչ-որ այլ արժեքների կրող է։ Գիտեք՝ ինչն է ինձ զարմացնում: Իսկ ինչո՞ւ են Երևանում ներկա իշխանությունների ներկայացուցիչներն այդքան դեմպինգ անում։ Ինչո՞ւ են նրանք համեմատում հայկական հնագույն քաղաքակրթությունը՝ նրա մշակույթը, պատմությունը, պետականությունը, որը եղել է, կներեք, եվրոպական ժողովրդավարությունից շատ առաջ, ներկայիս իսկապես փակուղում գտնվող Եվրոպական միության հետ»,- Звезда հեռուստաընկերության եթերում հայտարարել է Զախարովան այս տարվա ապրիլի 24-ին։

Մայիսի 28-ին, ժամը 10:00-ին Սարդարապատի հուշահամալիրում տեղի կունենա հավաք, որտեղ ուղերձով հանդես կգա Բագրատ Սրբազանը: Հավաքին կհաջորդի ավտոերթ դեպի Երևան, հայտնում է Տավուշը հանուն հայրենիքի շարժումը։

Նիկոլ Փաշինյանն իր ուղերձում նշեց Առաջին հանրապետության ժողովրդական բնույթը, չհիշատակելով այլ՝ տարածքային, քաղաքական ժառանգությունը։

Կհայտարարի՞ Բագրատ սրբազանը որպես քաղաքական նպատակ Առաջին հանրապետության  եւ հայոց քաղաքակրթության իրավահաջորդությունը։