Ամոթ․ Փաշինյանը գնաց Սարդարապատ, բայց Կաթողիկոսին չէին թողնում
- 15:47 28.05.2024
Նիկոլ Փաշինյանը, այնուամենայնիվ, մեկնել է Սարդարապատ: Հիշեցնենք, որ առավոտյան ՀՀ վարչապետը խուսափեց Սարդարապատ մեկնելուց՝ հաշի առնելով «Տավուշը հանուն հայրենիքի» շարժման ներկայությունն այնտեղ։
Նիկոլ Փաշինյանին ուղեկցում են ԱԺ նախագահ Ալեն Սիմոնյանն ու ՀՀ նախագահ Վահագն Խաչատուրյանը:
Այստեղ տեղի է ունեցել փոքրիկ զորահանդես, որտեղ ելույթ է ունեցել վարչապետ Նիկոլ Փաշինյանը:
Ոստիկանները և սև բերետավորները փորձում էին խոչընդոտել Ամենայն Հայոց Կաթողիկոս Ն.Ս.Օ.Տ.Տ Գարեգին Բ-ի մուտքը Սարդարապատի հուշահամալիր: Այս մասին հայտնում է Ազգային ճակատ տելեգրամյան ալիքը:
Հրապարակված տեսագրություններում երևում է, թե ինչպես են ոստիկաններն ու սև բերետավորները փակում Ամենայն Հայոց Կաթողիկոսի մուտքը հուշահամալիր:
Նշենք, որ «Տավուշը հանուն հայրենիքի» շարժման կողմնակիցները Բագրատ արքեպիսկոպոս Գալստանյանի առաջնորդությամբ գիշերն անցկացրել են Սարդարապատի հուշահամալիրում՝ դիմավորելով Հայաստանի առաջին հանրապետության հռչակման օրը՝ մայիսի 28-ը, խորհրդանշական Սարդարապատի հուշահամալիրում։