Ամբողջ աշխարհն ամրապնդում է «խաղաղ» սահմանները, իսկ Փաշինյանը զորքը դուրս է բերում շփման գծից
- 12:38 30.05.2024
Լեհաստանի վարչապետ Դոնալդ Տուսկը հայտարարել է, որ հաջորդ շաբաթ կառավարությունը կքննարկի Բելառուսի հետ սահմանին 200 մետրանոց բուֆերային գոտու վերականգնման հարցը։ Այս հայտարարությունը հաջորդել է Բելառուսի հետ սահմանին տեղի ունեցած միջադեպին, երբ լեհ սահմանապահը դանակահարվել է միգրանտի կողմից, որը փորձել է ապօրինի հատել սահմանը:
«Մենք բոլոր միջոցներով կպաշտպանենք մեր սահմանը. բանակը, սահմանապահ ծառայությունը և ոստիկանությունը կարող են ապավինել իմ լիակատար աջակցությանը»,-ասել է Դոնալդ Տուսկը «X» սոցիալական ցանցում տարածված ուղերձում։
Հիշեցնենք, որ խոսքը Եվրոպայի կենտրոնում սահմանազատված և «խաղաղ» սահմանի մասին է։
Մինչդեռ Նիկոլ Փաշինյանը պնդում է, որ «անվտանգությունն այլևս բավարար չէ, մեզ պետք է խաղաղություն, որը կապահովի անվտանգությունը»։ Նա ասաց, որ պետությունը պետք է ընկալվի որպես լավ ապրելու գործիք։
Միաժամանակ, Փաշինյանը ականազերծում է և զորքերը դուրս բերում շփման գծից, որի վրա նոր էին անհիմն տեղադրել ինչ-որ սյուներ և տեղակայում թեթև զինված սահմանապահներ։
Եվրոպայում փլուզվում է Փաշինյանի կեղծ հայեցակարգը, որի համաձայն խախաղությունը պետք է ապահովի անվտանգությունը։ Փաշինյանը դա քաջ գիտակցում է, և ակնհայտ է, որ Հայաստանի «դեմիլիտարիզացիան եւ դենացիֆիկացիան» ուղղված են ոչ թե խաղաղության և անվտանգության ապահովմանը, այլ բացառապես Հայաստանի դեմ հեշտ ու էժան ագրեսիայի համար պայմանների ստեղծմանը, դրան հաջորդող պետության քայքայմամբ։