Ծնունդդ շնորհավոր, Տիգրան։ Մենք դեռ կվերադառնանք
- 16:24 01.06.2024
Ամեն տարի հունիսի 1-ին Ստեփանակերտի Ք.Քոքսի անվան Վերականգնողական կենտրոնում նշվում էր կրկնակի տոն՝ Երեխաների պաշտպանության միջազգային օրը և բոլորի կողմից սիրելի Տիգրան Վերդյանի ծննդյան օրը, ով կենտրոնի առաջին կրտսեր հիվանդներից էր։
Նրա մոտ ախտորոշվում է ուղեղային կաթված։ Իր ողջ կյանքի ընթացքում՝ մինչև Արցախից արտաքսվելը, նա պարբերաբար ռեաբիլիտացիայի է ենթարկվել կենտրոնում։ Տարիների ընթացքում նա դարձել է ընտանիքի անդամ բոլոր աշխատակիցների և հիվանդների համար:
Տիգրանի դրական հատկանիշների մասին կարելի է անվերջ խոսել։ Բարի, ժպտերես, շփվող երիտասարդ, ում կողքով ոչ ոք չէր կարող անտարբեր անցնել։ Կենտրոնի գրեթե յուրաքանչյուր այցելու ճանաչում էր Տիգրանին և միշտ ժամանակ էր հատկացնում նրա հետ զրուցելու համար:
Կենտրոնում ծննդյան օրը նշելը նրա համար դարձել է բարի ավանդույթ։ Նա միշտ անհամբերությամբ էր սպասում այս օրվան և բոլորին հրավիրում էր իր տոնին։ Կրկնակի տոնի կապակցությամբ կենտրոնն ամեն տարի կազմակերպում էր միջոցառումներ մանկական առողջության կենտրոնի և աուտիզմի կենտրոնի սաների, ինչպես նաև այլ տաղանդավոր հիվանդների մասնակցությամբ։
Արցախի ստեղծագործական խմբերը մեկ անգամ չէ, որ հրավիրվել են միջոցառումներին։
Տիգրանն այս տարի կյանքում առաջին անգամ ծննդյան տարեդարձը նշում է հայրենի վերականգնողական կենտրոնից հեռու՝ համեստ, առանց ծաղրածուների, զվարճալի ներկայացումների ու այլ շքեղության։
Հուսանք, որ Տիգրանն իր օրն կրկին կնշի բարի հյուրերի, իր սիրելի հորեղբոր Վարդանի և Ստեփանակերտի վերականգնողական կենտրոնի բոլոր աշխատակիցների շրջապատում, ովքեր այդքան մեծ ներդրում ունեն նրա կյանքում և միշտ շրջապատել են նրան ուշադրությամբ ու հոգատարությամբ։
Ծնունդդ շնորհավոր, Տիգրան ջան!!! Թող իրականանան քո բոլոր նվիրական երազանքներն ու ցանկությունները։
Արսեն Աղաջանյան