Ադրբեջանն արցախյան համայնքների հազարավոր գույքերին է տիրացել, ո՞ւր է քրեական վարույթը

Ասկերանի բերդ

«Տավուշը հանուն հայրենիքի» շարժմանը միացած անձինք բողոքի ակցիա են իրականացնում Քննչական կոմիտեի շենքի մոտ՝ պահանջելով ազատ արձակել ակցիաների ժամանակ ձերբակալված անձանց։

ԱԺ «Հայաստան» խմբակցության պատգամավոր Էլինար Վարդանյանն անդրադարձավ իրավապահ համակարգի անօրինականություններին։ Նա նշեց, որ ոստիկանները բռնության են ենթարկում մարդկանց, բայց այդ քաղաքացիների իրավունքները պաշտպանելու մասին որեւէ մեկը չի խոսում։

«Այստեղ ամենակարեւոր հարցը հետեւյալն է՝ արժեզրկվում է համակարգը, որը հետո խժռելու է այս համակարգը ստեղծողներին։ Վաղը դուք ձեր ստեղծած համակարգի ձեռքը կրակն եք ընկնելու, այն խժռելու է ձեզ»։

Էլինար Վարդանյանն անդրադարձավ նաեւ Արցախի համայնքապետերի նկատմամբ հարուցված գործերին․ «Մարտակերտի, Ասկերանի ու Ստեփանակերտի համայնքների ղեկավարների նկատմամբ վարույթներ են հարուցվում, ինչի՞ համար, որ համայնքի գո՞ւյքն են փրկել։ Ո՞վ է տուժողն այդ դեպքում։ Ադրբեջանն այդ նույն համայնքների հազարավոր գույքերին է տիրացել, ո՞ւր է, մեկ հատ քրեական վարույթ ցույց տվեք, որ Ադրբեջանի նկատմամբ համայնքների գույքի հետ կապված որեւէ վարույթ է հարուցված»։