«Խոսում են 250 հազար ադրբեջանիցների վերադարձի մասին. ասո՞ւմ են, որ մի 700 հազար հայ ապրել է այսպես կոչված Ադրբեջանում»
- 13:12 03.06.2024
«Տավուշը հանուն հայրենիքի» շարժման առաջնորդ Բագրատ սրբազանը Քննչական կոմիտեի մոտ իր ելույթում անդրադարձավ հարցին, որ Հայաստանի իշխանությունները համարժեք պատասխան չեն տալիս ադրբեջանական կողմի քայլերին ու հայտարարություններին։
Մասնավորապես, այսպես կոչված «Արեւմտյան Ադրբեջան» կեղծ թեզին որպես պատասխան չի նշվում այն, որ Ադրբեջանը օկուպացրել է հայկական տարածքներ։
«Խոսում են 250 հազար ադրբեջանիցների վերադարձի մասին, որեւէ հակադարձում կա՞։ Կա՞ որեւէ հայտարարություն, որ ասեն՝ մենք էլ ճշտել ենք, որ մի 700 հազար հայ ապրել է այսպես կոչված Ադրբեջանում բայց իրականում մեր երկրում, լինի Գանձակի շրջանը, լինի դաշտային Արցախը, լինի հենց Բաքուն։ Բաքվի նավթահանքերը ո՞վ է մատուցել աշխարհին՝ Մանթաշյանը։ Մի հատ համարժեք պատասխան տվե՞լ են, չեն տվել։ Դա նշանակում է՝ մենք ինչ բնութագրում ուզում ենք, կտանք այդ իշխանությանը, ինչ ենթադրություն ունենանք, ճիշտ է»,- ասաց Բագրատ սրբազանը։