Ո՞վ պետք է Փաշինյանին Փարիզ հրավիրի

ԱՄՆ նախագահ Ջո Բայդենը նախատեսում է Ֆրանսիայում հանդիպել Ուկրաինայի նախագահ Վլադիմիր Զելենսկու հետ Նորմանդիայում դաշնակիցների վայրէջքի 80-ամյակին նվիրված արարողություններին։ Այս մասին հունիսի 4-ին Փարիզ մեկնող Air Force One ինքնաթիռում հայտարարել է ԱՄՆ նախագահի ազգային անվտանգության հարցերով խորհրդական Ջեյք Սալիվանը։

Սալիվանի խոսքով՝ Բայդենը մտադիր է Զելենսկու հետ քննարկել Ուկրաինայում տիրող իրավիճակը և այն, թե ինչպես կարող է Միացյալ Նահանգները շարունակել և ուժեղացնել աջակցությունը Կիևին։ Սպասվում է, որ հունիսի 7-ին Ելիսեյան պալատում Ուկրաինայի առաջնորդին կընդունի Ֆրանսիայի նախագահ Էմանուել Մակրոնը, ով ավելի վաղ ասել էր, որ Ֆրանսիան նույնպես միջուկային տերություն է և ռազմական հրահանգիչներ կուղարկի Ուկրաինա։

ԱՄՆ-ը, Գերմանիան, Ֆրանսիան և մի շարք այլ պետություններ չեղարկել են Ուկրաինայի կողմից Ռուսաստանի տարածքում արևմտյան զենքի օգտագործման արգելքը։ Նրանք ասում են, որ թույլ չեն տա, որ Ուկրաինան պարտություն կրի և փոխվի նրա աշխարհաքաղաքական դերը։

Մինչդեռ Հարավային Կովկասում Երեւանն ու Բաքուն «փոխվում են դերերով»։ Հայաստանն ու Վրաստանը, որոնք հրաժարվել են իրենց միջազգային դերակատարությունից, “հանձնվում” են նոր տարածաշրջանային «նայողին»՝ Ալիևին։

«Երկարաժամկետ խաղաղության համաձայնագիրը վերջ կտա տասնամյակների հակամարտություններին, կվերափոխի Հարավային Կովկասը և հիմնովին կփոխի Ադրբեջանի դերը տարածաշրջանում։ Միացյալ Նահանգները պատրաստ է աջակցել այդ ձգտումին»,- ասված է ԱՄՆ նախագահ Բայդենի՝ Բաքվում էներգետիկ համաժողովի մասնակիցներին ուղղված ուղերձում։

Էրդողանը նույնպես ողջունել է «Ադրբեջանի և Հայաստանի միջև վերջին դրական զարգացումները, և խաղաղության համաձայնագրի ստորագրումը համարում եմ պատմական հնարավորություն տարածաշրջանի ապագայի համար»։

Լուկաշենկոն, այցելելով Շուշի, Ալիևին անվանել է նոր «տարածաշրջանային առաջնորդ»։ Իսկ Մոսկվան ամեն օր ողջունում է «խաղաղությունը» Կովկասում և բանակցությունները Աստանայում։

Նման պայմաններում ինչո՞ւ Փաշինյանին ու Կոբախիձեին պետք է հրավիրեն Փարիզ։