Ալեն Սիմոնյանը մեղադրեց սրբազանին եւ ընդդիմադիր պատգամավորներին

«Բագրատ Գալստանյանը դրսում հայտարարեց, որ մենք ըստեղ իրար ծեծում ենք եւ մարդկանց ուղղորդեց գրոհել ոստիկաններին»,- ԱԺ նիստում ասաց ԱԺ նախագահ Ալեն Սիմոնյանը։ Նա հայտարարեց, որ սա վաղուց ծրագրված էր, ընդդիմադիր պատգամավորներն էին ծրագրել, իսկ ՔՊ-ականները չպետք է տրվեին սադրանքին։

Նշենք, որ կառավարության հետ հարց ու պատասխանի ժամանակ ԱԺ-ում վիճաբանություն ու քաշքշուկ էր տեղի ունեցել պատգամավորների միջեւ։

«Դրանից հետո Սիրահարների այգու միջով մարդիկ փորձել ներխուժել ոստիկանական պատնեշներից ներս, որից հետո ոստիկանությունն արդարացիորեն կիրառել է լուսաձայնային նռնակներ։ Սա կազմակերպվել եւ նախատեսվել է շատ վաղուց, մարդիկ չէին գալիս հարց ու պատասխանին, այսօր եկել են։ Իշխան Սաղաթելյանը, այլ պատգամավորներ գտնվում են այնտեղ եւ ուղղորդում են։ Բագրատ Գալստանյանն էլ ասել է, որ ներսում բախումներ են եւ կոչ է արել ժողովրդին գալ ներս՝ այստեղ։ Մարդիկ, ծառերի վրա բարձրանալով, փորձել են գալ, եւ ոստիկանությունը թույլ չի տվել»,- հայտարարեց Ալեն Սիմոնյանը