«GEN»-ը խումբ է ստեղծել արցախցիների կուտակային կենսաթոշակների հարցերով
- 10:38 13.06.2024
«GEN» նախաձեռնությունների կենտրոնը ստեղծել է խումբ, որը կզբաղվի արցախցիների կուտակային կենսաթոշակների խնդրով։
Կենտրոնի հիմնադիր Արմինե Ավագիմյանը նշեց, որ խումբը մտադիր է այս հարցի շուրջ խորհրդակցություններ սկսել փորձագետների հետ։
«Հինգ տարի շարունակ կուտակային կենսաթոշակային համակարգում ներդրումներ են կատարել շուրջ 34,5 հազար Արցախի քաղաքացիներ՝ ընդհուպ մինչեւ արտաքսում։ Սա մոտ 17 մլրդ դրամ է։ Օրերս ՀՀ կառավարությունը հայտարարեց, որ արցախցիների կուտակված միջոցները փոխանցվելու են այլ հիմնադրամների, այսինքն՝ Հայաստանի կուտակային կենսաթոշակային համակարգ։
Որքան գիտենք, մինչ օրս գումարը չի փոխանցվել հիմնադրամներին։
Կան արցախցիներ, ովքեր աշխատանք են գտել Հայաստանում և պատրաստ են շարունակել ներդրումները կուտակային համակարգում։ Սակայն մեծ թվով քաղաքացիներ դիմում են «GEN» նախաձեռնությունների կենտրոն՝ խնդրանքով պարզել, թե ինչո՞ւ չեն կարողանում ստանալ կուտակված միջոցները։ Մարդիկ հեռանում են՝ կա՛մ հիվանդության պատճառով, կա՛մ շահառուն զոհվել է պատերազմի ժամանակ, կամ ընտանիքը սոցիալական ու կենցաղային դժվարություններ է ապրում, և այս գումարը կարող է շոշափելի աջակցություն լինել։ Խոսքը մեկ անձի համար 800 հազարից 1,5 միլիոն դրամի մասին է։
Նշենք, որ ծրագրում հաշվի են առնված կենսաթոշակների կուտակային մասը շահառուի` մինչև կենսաթոշակային տարիքի լրանալը ստանալու ուղիները։
Ալվարդ Գրիգորյան