Փաշինյանը հայտարարեց, որ Բելառուս չի այցելի, քանի նախագահը Լուկաշենկոն է
- 11:54 13.06.2024
«Արձանագրում եմ, որ ես այլեւս երբեք Բելառուս չեմ այցելի, քանի Բելառուսում նախագահ է Ալեքսանդր Լուկաշենկոն է։ Եվ այս պահից ՀՀ ոչ մի պաշտոնական ներկայացուցիչ Բելառուս չի այցելի ընդհանրապես»,- այսօր ԱԺ նիստում ասաց Նիկոլ Փաշինյանը։
Անդրադառնալով Բելառուսի նախագահ Ալեքսանդր Լուկաշենկոյի հայտարարություններին՝ Փաշինյանն ասաց․ «ՀԱՊԿ ղեկավարներից մեկը հայտարարում է, թե 44-օրյա պատերազմը նախապատրաստելուն մասնակցել է, քաջալերել է, հավատացել է, ցանկացել է Ադրբեջանի հաղթանակը։ Բա դրանից հետո ես պետք է գնամ, Բելառուսի նախագահի հետ ՀԱՊԿ ֆորմատում նստեմ, հարց քննարկե՞մ։ ՀԱՊԿ հետ կապված՝ կարո՞ղ է արդյոք որեւէ բան փոխվել, տեսականորեն չի կարող բացառվել, եթե, օրինակ, Բելառուսն ինքը որոշի ՀԱՊԿ-ից դուրս գալ կամ Բելառուսի նախագահը Հայաստանի ժողովրդին ներողության ու բացատրության այնպիսի խոսքեր ասի, որն ընդունելի կլինի ՀՀ ժողովրդի կողմից»։
Փաշինյանը չնշեց, որ Լուկաշենկոն այցելել է օկուպացված հայկական Շուշի, ասել, որ տարածաշրջանը վերջապես մաքրվել է /հայերից/, որ Ալիեւից երկրորդ սխրանքն է սպասում՝ Ղարաբաղի վերականգնումը։