Փաշինյանը ժողովրդին պատերազմ է հայտարարել. Պարույր Հայրիկյան
- 13:40 13.06.2024
«Ազգային ինքնորոշում միավորումը» հայտարարություն է տարածել, որում նշվում է․
«ԱԻՄ-ը խստորեն դատապարտում է 2024 թ.-ի հունիսի 12-ին Ազգային Ժողովի դիմաց խաղաղ ցուցարարների նկատմամբ Նիկոլ Փաշինյանի հրահանգով կիրառված զանգվածային բռնությունները, մարդկանց խոշտանգումները եւ մեր իրականության համար աննախադէպ մարդկանց առևանգումները։
Իր հակաօրինական գործունեությամբ՝ Հայաստանը ոչ իրավական պետություն դարձրած Նիկոլ Փաշինյանն ու իր «կոռուպցիոն հանցակիցները» այս գործողություններով արդեն բացահայտ պատերազմ հայտարարեցին հայ ժողովրդին, եւ մեր բոլորի պարտքն է միահամուռ ոտքի կանգնել հանուն երկրում իշխանությունը իրական տիրոջը՝ քաղաքացիներին՝ ժողովրդին վերադարձնելու բարձր նպատակի»։