Բաքուն վերջին պահին հրաժարվել է մասնակցել Զելենսկու գագաթնաժողովին
- 20:49 15.06.2024
Շվեյցարիայում Խաղաղության համաշխարհային գագաթնաժողովին մասնակցող երկրների թիվը վերջին պահին կրճատվել է։ Ադրբեջանն անսպասելիորեն հրաժարվեց մասնակցել միջոցառմանը, թեև նախապես խոստացել էր մասնակցել։ Այս մասին հայտնի է դարձել Շվեյցարիայի կառավարության հրապարակած մասնակիցների վերջնական ցուցակից, հայտնում է Dialog.UA-ն։ Ավելի վաղ հաղորդվել էր, որ խաղաղության գագաթնաժողովին Ադրբեջանը կներկայացնի ԱԳ նախարար Ջեյհուն Բայրամովի գլխավորած պատվիրակությունը։ Սակայն վերջին պահին այդ պլանները չեղարկվել են, հաղորդում է Dialog.UA-ն։
Հիշեցնենք, որ 2022 թվականի փետրվարի 22-ին՝ Ուկրաինայի դեմ ագրեսիայի նախորդ օրը, Պուտինն ու Ալիևը ստորագրել են ռազմավարական համագործակցության համաձայնագիր։
Օրերս Բաքուն հայտարարեց Արցախից ռուսական զորքերի, համապատասխանաբար, եւ զենքի ամբողջական դուրսբերման մասին։ Ռուսաստանը, փորձագետների կարծիքով, զենքը Արցախից տեղափոխել է անմիջապես ուկրաինական ճակատ։ Սրանից հետո Բայրամովը ինչի՞ համար գնա Շվեյցարիա։