Լուկաշենկոն ասում է, որ «гнида» Փաշինյանը «զզվեցրել է» Պուտինին
- 13:29 16.06.2024
Բելառուսի նախագահ Ալեքսանդր Լուկաշենկոն պատասխանել է լրագրողների հարցին, թե պատրաստվու՞մ է ներողություն խնդրել Հայաստանի վարչապետ Նիկոլ Փաշինյանից։ Այս մասին գրում է «Հրապարակ»-ը։
«Լսի՛ր, սա ծիծաղելի է։ Նա ասում է. «Թող Լուկաշենկոն ներողություն խնդրի»: Լավ, ես պատրաստ եմ հենց հիմա, բոլորի աչքի առաջ։ Կներես, սիրելիս, բայց դու гнида ես: Մենք արդեն ունեինք այդպիսի гнида՝ կանաչ բլուզով, որը նույնպես անընդհատ ինչ-որ բան էր պահանջում։ Դե, նրա հետ արդեն ամեն ինչ պարզ է։ Բայց երբ այս Փաշինյանը գիշերը զանգահարեց ինձ, սխալ բան արեց, խնդրեց հաշտություն կնքել Պուտինի հետ, ես օգնեցի նրան։ Հետո Վլադիմիր Վլադիմիրովիչն ինձ ասաց. «Դուք պետք է իմանաք, Ալեքսանդր Գրիգորևիչ, թե ինչպես է այս Փաշինյանը զզվեցրել»:
Դե, նա դա այլ կերպ ասաց, ես այն մեղմացնում եմ ձեզ համար այստեղ: Ես այդ ժամանակ օգնեցի, եւ նրանք հանդիպեցին Մոսկվայում: Սա էլ նրա «երախտագիտությունն» է հիմա»,- ասել է Ալեքսանդր Լուկաշենկոն։
2 շաբաթ առաջ Լուկաշենկոն շնորհավորել է Փաշինյանին ծննդյան օրվա առթիվ.
«Դուք փորձառու քաղաքական գործիչ եք և մեկ անգամ չէ, որ ձեր երկարամյա գործունեության ընթացքում համոզվել եք, որ միջազգային հարաբերություններում ամենաճիշտ կողմնացույցը ժողովրդական դիվանագիտությունն է։ Եվ նա մեզ միշտ անվրեպ մատնանշում էր մերձեցման և համագործակցության ուղին։ Եթե գնանք այս ճանապարհով, եթե հետևենք մեր փառապանծ նախնիների դարավոր ավանդույթներին, ապա միասին կարող ենք շատ ավելիին հասնել։ Արդեն զգալի կուտակումներ են ստեղծվել»,- ասվում է շնորհավորանքում։