Հայաստանում է ԱՄՆ պետքարտուղարի առաջին տեղակալը, որի կինը հայ է
- 16:01 17.06.2024
ԱՄՆ պետքարտուղարի կառավարման և ռեսուրսների հարցերով առաջին տեղակալ Ռիչարդ Վերման ժամանել է Հայաստան։
Նա լուսանկար է հրապարակել սոցցանցում՝ կից գրելով. «Բա՛րև, Երևան»։ Ապա շարունակել է. «Հաճելի է լինել Հայաստանում՝ ԱՄՆ-Հայաստան գործընկերության առանցքային նպատակներն առաջ մղելու և մեր երկրների համար ավելի լավ ապագա կերտելու համար աշխատելու»։
ԱՄՆ դեսպանատունն էլ հայտնում է, որ Ռիչարդ Վերման այցելել է Հայոց ցեղասպանության զոհերի հուշահամալիր և թանգարան-ինստիտուտ՝ հարգանքի տուրք մատուցելու զոհերի հիշատակին։
«Երբ աշխարհի առաջնորդները խոսում են կլիմայի, մարզային, նահանգային, համայնքային իշխանություններն են, որ քայլեր են ձեռնարկում անտառային հրդեհների դեմ»,-ասաց նա:
Վերման նաեւ նկատեց, որ ԱՄն-ում 1,5 մլն հայ է ապրում. «Սա թվով երկրորդ ամենամեծ հայկական համայնքն է Հայաստանից դուրս: Հայերը աշխատում, արարում են ԱՄՆ-ում եւ մենք մեծ հարգանք ենք ցուցաբերում հայկական մշակույթի հանդեպ: Այն ավանդույթները, մշակույթը, տոլման, լավաշը, որ հայերն իրենց հետ բերեցին, մեր երկիրն ավելի ուժեղ դարձրեցին: Մենք տեսել ենք ամերիկահայերի, որ հասել են ամենաբարձր դիրքի զինված ուժերի, մենք տեսել ենք նորարարների, որոնք ստեղծել են էլեկտրոնային շերտագրման սարքը: Այնպիսի առաջատար դեմքեր ենք տեսել, ինչպիսիք են Անդրե Աղասին, Քարդաշյանների հայտնի ընտանիքը: Գուցե Քարդաշյանների տեմպին համահունչ չենք կարող ընթանալ, բայց պետք է հպարտությամբ ասեմ, որ մեր ընտանիքում եւս կա ամերիկահայ: Իմ կինը ամերիկահայ է, իսկ ես ծագումով հնդիկ եմ: Մեր ընտանիքը բախտավոր է, որ կարող է երեք երկրի մշակույթ ներկայացնել»,-ասաց Վերման:
Մենք կուսումնասիրենք, թե ինչպես կարող ենք խորացնել գործընկերությունը ամերիկյան եւ հայկական մասնավոր հատվածների միջեւ:
ԱՄՆ-ն պատրաստ է աջակցել Հայաստանի խաղաղ, ժողովրդավար ապագային՝ հանուն հայ ժողովրդի: Մենք ներդրում ենք կատարում այդ ուղղությամբ եւ մեր աջակցությամբ ծրագրերը վերջին մի քանի տարիներին գրեթե կրկնապատկվել է: Հայ-ամերիկյան հարաբերություններում միայն մեկ ճանապարհ կա, դա առաջընթացի ճանապարհն է: Եկեք շարժվենք այդ ուղղությամբ»,- ընդգծեց նա: