Փաշինյանը խոսաց հանրաքվեի մասին․ Երրորդ հանրապետության վերջը
- 10:22 18.06.2024
Ադրբեջանի հետ սահմանի սահմանազատման գործընթացում հնարավոր է հանրաքվե լինի։ Այս մասին Շինուհայրում ասել է Նիկոլ Փաշինյանը։
Նրա խոսքով՝ առայժմ Խորհրդային Միության օրոք գոյություն ունեցած սահմաններն են վերականգնվում, հնարավոր է՝ գա մի պահ, երբ Հայաստանն ու Ադրբեջանը նոր պայմանավորվածություն ձեռք բերեն։
«Կարող է ինչ-որ պահի Հայաստանն ու Ադրբեջանը քննարկեն, թե՝ 100 քառակուսի մենք զիջենք, 100 քառակուսի էլ՝ իրենք, բայց սա պետք է արվի հանրաքվեով»։
Այդպիսով, Փաշինյանը զրոյացնում է Հայաստանի անկախության 33 տարվա իրավա-տարածքային կառուցվածքը, որն էականորեն տարբերվում է սովետական սահմաններից։ Սովետական սահմաններին հղում անելով, Փաշինյանը անտեսում է Երրորդ հանրապետության հիմքը՝ Սահմանադրությունը, որը հղում է անում ՀՀ անկախության հռչակագրին եւ Արցախի ու Հայաստանի միավորման մասին 1989 թ․ դեկտեմբերի 1-ի որոշման։ Անտեսվում է նաեւ հռչակագրի հղումը ցեղասպանության եւ դրա հետեւանքների վերացմանը։
Եթե Հայաստանում սահմանների հարցով հանրաքվե լինի, դա այս հանրապետության վերջը կլինի։