Արցախյան տաղավարներ հայ-վրացական Միմինո փառատոնում
- 15:39 23.06.2024
Artsakh Tourism & Culture Development Agency-ն գրում է․
Հունիսի 22-ին Դիլիջանում կայացած հայ- վրացական խոհարարական-մշակութային “Միմինո” փառատանում ներկայացված արցախյան 5 տաղավարներ արժանացել են բրոնզե եւ արծաթյա մեդալների: Ընդհանուր առմամբ փառատոնին մասնակցել են արցախցի խոհարարական, հուշանվերների, ձեռագործության 11 անհատական եւ կորպորատիվ մասնակից՝ մեկ միասնական տաղավարով:
Փառատոնին «Արցախի զբոսաշրջության և մշակույթի զարգացման գործակալության» նախաձեռնությամբ իրենց աշխատանքներն են ներկայացրել Արցախի արվեստագետներն ու մշակութային խմբերը։
Գործակալության ղեկավար Սերգեյ Շախվերդյանի խոսքով, ցուցահանդես-տոնավաճառում ներկայացված են 5 տաղավարներով հուշանվերներ, դեկոր և այլ ինքնատիպ գեղարվեստական գործեր։
Փառատոնի կազմակերպիչն էր Տուրիզմի հայկական ֆեդերացիան եւ Հայ խոհարարական ավանդույթների պահպանման հասարակական կազմակերպությունը: Փառատոնը ֆինանսավորվել է Հայաստանի Հանրապետության զբոսաշրջության կոմիտեն եւ ԱՄՆ զարգացման միջագային գործակալությունը` USAID:
