Բաքվում պատանդ պահվող Արցախի ղեկավարների գործերը կփոխանցվեն դատարան
- 16:27 24.06.2024
Ադրբեջանում Լեռնային Ղարաբաղի նախկին բարձրաստիճան ղեկավարների նկատմամբ հարուցված քրեական գործերն առաջիկայում կփոխանցվեն դատարան:
Այդ մասին, ըստ ԱՊԱ ադրբեջանական լրատվական գործակալության, Ստեփանակերտում ասել է Ադրբեջանի գլխավոր դատախազ Քյամրան Ալիևը:
Նրա խոսքով՝ 15 անձի նկատմամբ հետաքննությունն արդեն ավարտվել է։ Ձերբակալվածների թվում են ԼՂՀ նախկին նախագահներ Արկադի Ղուկասյանը, Բակո Սահակյանը, Արայիկ Հարությունյանը, խորհրդարանի նախկին խոսնակ Դավիթ Իշխանյանը, նախկին արտգործնախարար Դավիթ Բաբայանը և բարձրաստիճան նախկին զինծառայողներ:
«Այս պահին մեղադրյալները, փաստաբանները և տուժողները ծանոթանում են քրեական գործի նյութերին, ճանաչողական փուլի ավարտից հետո մեղադրական եզրակացությունը կներկայացվի դատարան»,- ասել է Ալիևը:
Արցախի նախկին պաշտոնյաներն ադրբեջանցի ուժայինների կողմից ձերբակալվել և Բաքու են տեղափոխվել 2023-ի սեպտեմբերյան ռազմական հարձակումից հետո։ Ադրբեջանում նրանք մեղադրվում են մի շարք ծանր հանցանքներում: