Առանց հստակ հայեցակարգի՝ «Տավուշը հանուն հայրենիքի» շարժումը փոշիացնում է ժողովրդի էներգիան

Արցախի հեղափոխական կուսակցության նախագահ Արթուր Օսիպյանը «Տավուշը հանուն հայրենիքի» շարժման գործողություններում հեռանկար չի տեսնում։

«Եթե չլինի հստակ հայեցակարգ, եթե չլինի լավ ձևակերպված մեղադրանք գործող իշխանությանը, ապա այն ամենն, ինչ ձեռնարկվում է, ապարդյուն կլինի, նույնիսկ եթե հանրահավաքներն ու երթերը տևեն տարիներ։

Չեմ կռահի, թե ինչ են ուզում, տեսնում եմ՝ ինչ է կատարվում։ Սա հերթական «դատարկ» կրակոցն է և ժողովրդի էներգիայի փոշիացում, որը կրկին հիասթափության կհանգեցնի նրանց, ովքեր ավելին էին սպասում»։

Խոսելով արցախցիների դերի մասին՝ Արթուր Օսիպյանը կարծիք է հայտնել, որ «արցախցիները պետք է բարձրաձայնեն իրենց հարցերն ու խնդիրները, բայց այնպես, որ դրանք չօգտագործվեն Արցախի և Հայաստանի հայերի միջև առճակատում ստեղծելու համար»։