Ցինիզմի գագաթնակետ․ Սահմանադրությունը «իսակական չէ»
- 10:12 05.07.2024
Սահմանադրությունը, որը Փաշինյանին թույլ է տվել իշանության գալ եւ հաստատել «ժողովրդական» եւ «ոչ էլիտար» միապետություն, պարզվում է՝ «իսկական չէ» եւ «մեզ պետք է նոր Սահմանադրություն»։ Թեկուզ, իշխանության գակով, նա երդվել է սրբորեն ապահովել Սահմանադրության դրույթները, եւ նրան դրա համար են վստահել։
Իր դասախոսական քարոզի ոճով հայտարարության մեջ նա ընդամենը մեկ բառով է ասում, թե ինչն է «խնդիրը»․ «Մեզ պետք է Սահմանադրություն, որն օրգանական կապով կապված է սահմանադիրի՝ ժողովրդի հետ: ․․․ այսինքն՝ Հայաստանի Հանրապետության ժողովրդի շահն է, Իրական Հայաստանում ապրող իրական մարդկանց շահը, որոնք Հայաստանի Հանրապետությունը ստեղծել են որպես գործիք իր միջազգայնորեն ճանաչված տարածքում իրենց ազատությունը, բարեկեցությունը, երջանկությունը, անվտանգությունն ապահովելու համար, արդար միջավայր ձևավորելու համար և մենք չպետք է շեղվենք այս նպատակից”:
Այսօրվա Սահմանադրությունն էլ է սահմանում «իր միջազգայնորեն ճանաչված տարածքը», հղում անելով ՀՀ անկախության հռչակագրի, 1989 թ․ Հայաստանի եւ Արցախի վերամիավորման որոշմանը եւ Ցեղասպանության հետեւանքների վերացման անհրաժեշտությանը։ Եւ այդ Սահմանադրույունը ոչ ոք չի վիճարկել՝ որպե «անիրական»։ Ավելին՝ տասնյակ երկրներ ճանաչել են Հայոց ցեղասպանությունը, իսկ ԵԱՀԿ-ն Մինսկի խումբ է ստեղծել եւ ճանաչել Արցախի ժողովրդի ինքնորոշման իրավունքը։ Միջազգային ոչ մի կազմակերպություն չի վիճարկել այն, որ Նախիջեւանի հայկական ինքնավարությունը ժամանակավոր է տրված Ադրբեջանին եւ նրան չի պատկանում։
Ահա թե ինչ է Փաշինյանը ուզում փոխել Սահմանադրության մեջ։ Եւ դա պարզ ասում են այն երկրները, որոնք ուզում են օրինականացնել Հայաստանից խլած՝ միջազգայնորեն հայերին պատկանող հողերը՝ Արեւելյան հայաստանի օկուպացված մասը, Նախիջեւանը եւ Ղարաբաղը։
Նոր Սահմանադրությունը դրա մասին է լինելու։