2 տարի 7 ամիս խափանման միջոց․ Մամիկոն Ասլանյանը ազատ կարձակվի
- 23:09 15.07.2024
2 տարի 7 ամիս անազատությունից հետո քաղբանտարկյալ Մամիկոն Ասլանյանի խափանման միջոցը փոխվել է. դատարանի որոշմամբ նա ազատ կարձակվի 10 մլն դրամ գրավով։ Այս մասին այսօր՝ հուլիսի 15-ին, իր ֆեյսբուքյան էջում գրառում է կատարել փաստաբան Ռուբեն Մելիքյանը:
Հակակոռուպցիոն դատարանի դատավոր Սարգիս Դադոյանը մասնակիորեն բավարարել է փաստաբանի միջնորդությունը՝ ստորագրությամբ ազատ արձակելու փոխարեն կիրառեց գրավ։
Նախկին քաղաքապետը ձերբակալվել էր 2021 թվականի դեկտեմբերին՝ պաշտոնեական լիազորությունները չարաշահելու և պաշտոնեական կեղծիք կատարելու մեղադրանքով։ Հատկանշական է, որ ձերբակալությունից մի քանի օր առաջ նա հաղթել էր ՏԻՄ ընտրություններում։
Վանաձորի նախկին քաղաքապետը՝ մեկն է այն հարյուրավոր մարդկանցից, որոնք արդեն մի քանի տարի է զրկված են ազատությունից եւ “պատիժ են կրում” մինչեւ դատարանի որոշումը։ Ինչ կորոշի հետո դատարանը կոնկրետ գործով՝ կարեւոր չէ, չէ՞ որ այդ մարդիկ արդեն “պատժվել են”, հիմնականում՝ քաղաքական անհամաձայնության պատճառով։ Այդ մարդկանց մի մասին հետո դատարանը “արդարացնում է”՝ կա՛մ ժամկետի լրացման, կա՛մ հանցանքի բացակայության պատրվակով։
Արեւմտյան երկրների համար, որոնք փեշով փող են են տալիս Փաշինյանի կառավարությանը “դատական բարեփոխումների” համար, 2,5 տարուց ավել “նախադատական կալանքը” ОК է։