Եղվարդի մոտակայքում ուսումնավարժական թռիչքի ժամանակ ինքնաթիռ է կործանվել, կա երկու զոհ

Ազատություն

Կոտայքի մարզում ուսումնավարժական թռիչքի ժամանակ ինքնաթիռ է վթարվել, «Ազատության»-ը փոխանցեցին Ներքին գործերի նախարարությունից՝ նշելով, որ երկու զոհ կա։

Պաշտպանության նախարարությունից էլ «Ազատության»-ը փոխանցեցին, որ վթարված ինքնաթիռն ուսումնամարզական էր՝ ցավակցություն հայտնելով զոհված օդաչուների ընտանիքի անդամներին, հարազատներին և ծառայակիցներին։

ՆԳՆ-ն հաղորդում է, որ վթարի մասին ահազանգը ստացել են առավոտյան 9։30-ին, որտեղ նշվում էր, որ Եղվարդ քաղաքի մոտակայքում՝ «Լճեր» կոչվող տարածքի մոտ, ինքնաթիռ է կործանվել, հավանաբար կան զոհեր։

Ըստ նախարարության՝ նախնական տվյալներով՝ կործանվել է ԱՆ-2 ինքնաթիռը, կա երկու զոհ։ «Ազատության» տվյալներով, վթարված ինքնաթիռը Յակ-52 է:

Դեպքի վայրում աշխատանքներ են իրականացվում։