Կադիրովն ընդդեմ Միրզոյանի Wildberries-ի պատճառով. ռուսական բիզնես-բարքեր
- 23:31 23.07.2024
Ըստ ԶԼՄ-ների՝ Չեչնիայի ղեկավար Ռամզան Կադիրովը հայտարարել է ռուսական խոշորագույն մարկետփլեյսերից մեկի՝ Wildberries-ի «բաց և լկտի տիրանալու» մասին․ դա տեղի է ունեցել ընկերության հիմնադրի ամուսնու՝ Վլադիսլավ Բակալչուկի հետ հանդիպումից հետո։
Wildberries marketplace-ի և Russ արտաքին գովազդի օպերատորի միաձուլման մասին հայտարարվել է հունիսի 18-ի երեկոյան։ RBC-ի աղբյուրներն այնուհետ հայտնեցին, որ նոր միավորված ընկերությունների խմբի գործադիր տնօրենը կդառնա Ռոբերտ Միրզոյանը (տեսանյութում Վլադիսլավ Բակալչուկը նշել է նրզ եղբորը՝ Լևանին):
Ես գիտեմ, որ այս արշավանքի լծակները գտնվում են Լևան և Ռոբերտ Միրզոյան եղբայրների, ինչպես նաև մի քանի հայտնի կովկասցիների ձեռքում»,- ասել է Կադիրովը։
Ըստ Forbes-ի՝ Միրզոյանն ու Տատյանա Բակալչուկը նամակ են հղել Պուտինին։ Նրանք գրել են, որ գործարքը Ռուսաստանում «ամենաուժեղ մրցակից» կստեղծի այնպիսի ընկերությունների համար, ինչպիսիք են Amazon-ը և Alibaba-ն, ինչպես նաև կստեղծի «խոշորագույն թվային բանկային ցանցը և վճարային համակարգը ռուբլով հաշվարկների համար ամբողջ աշխարհում՝ շրջանցելով SWIFT-ը»:
Կադիրովը հայտարարել է, որ «իմ հանձնարարությամբ այդ հարցով կզբաղվի իմ սիրելի ԵՂԲԱՅՐ, ՌԴ Պետական դումայի պատգամավոր Ադամ Դելիմխանովը»։
«Անկասկած, ՀԱՐԳԵԼԻ՛ ԵՂԲԱՅՐ, Չեչնիայի Հանրապետության ղեկավար, Ռուսաստանի հերոս ՌԱՄԶԱՆ ԱԽՄԱՏՈՎԻՉ ԿԱԴԻՐՈՎԻ բոլոր պատվերները կկատարվեն արագ և հարյուր տոկոսով։ Մենք դա կհասցնենք մինչև վերջ»։ Դելիխանովն այսպես է արձագանքել Կադիրովի «Վլադիսլավի կնոջն ու բիզնեսը ընտանիքին վերադարձնելու» հրամանին։