Բոլորին «ինոագենտ» են հայտարարում, բայց Պուգաչովային չկարողացան
- 10:08 30.07.2024
Ռուսաստանի Դաշնության արդարադատության նախարարությունը տեղեկություն չունի, որը թույլ է տալիս երգչուհի Ալլա Պուգաչովային ներառել այսպես կոչված «ինոագենտների՝ օտարերկրյա գործակալների» ռեգիստրում։ Այս մասին ասված է Պետդումայի պատգամավոր Ալեքսեյ Ժուրավլևի հարցմանը Արդարադատության նախարարության պաշտոնական պատասխանում։
Պետդումայի պաշտպանության կոմիտեի ղեկավարի առաջին տեղակալ Ալեքսեյ Ժուրավլևը հուլիսի 9-ին դիմում է ուղարկել Արդարադատության նախարարություն՝ Պուգաչովային որպես «օտարերկրյա գործակալ» ճանաչելու խնդրանքով։ Պատգամավորը երգուհուն մեղադրել է «անօրինական արարքների» մեջ, որը ներառում է «Ռուսաստանի Դաշնությունում հասարակական-քաղաքական իրադարձությունների մասին կողմնակալ նյութերի հրապարակումը», իշխանություններին «վարկաբեկելու» և Ուկրաինայում ռուսական բանակի գործողությունների «ակտիվ մեկնաբանությունը»։ Բացի այդ, Ժուրավլևը նրան մեղադրել է Ռուսաստանի Դաշնության ռազմական գործունեության մասին տեղեկություններ հավաքելու մեջ։
Ուկրաինա ռուսական լայնամասշտաբ ներխուժումից հետո Ալլա Պուգաչովան ամուսնու՝ Մաքսիմ Գալկինի հետ Ռուսաստանից մեկնել է Իսրայել։ Գալկինը «օտարերկրյա գործակալ» է ճանաչվել 2022 թվականին։
Բացի Գալկինից, «օտարերկրյա գործակալներ» են ճանաչվել են Ռուսաստանի հարյուրավոր հայտնի քաղաքացիներ։