Էրդողանի «գնդաձեւ» աշխարհաքաղաքականությունը. Միջնորդ ԱՄՆ-ի և Ռուսաստանի միջև, սուգ Հանիյի համար
- 09:49 02.08.2024
Ուրբաթ օրը Թուրքիայում մեկօրյա համազգային սուգ է հայտարարվել Թեհրանում ՀԱՄԱՍ-ի քաղբյուրոյի ղեկավար Իսմայիլ Հանիեի սպանությունից հետո։ Համապատասխան հրամանագիրը ստորագրել է նախագահ Ռեջեփ Թայիփ Էրդողանը։
Պաղեստինյան ՀԱՄԱՍ շարժումը հայտնել է, որ Հանիեն սպանվել է Թեհրանի նստավայրի վրա իսրայելական հարվածի արդյունքում: ՀԱՄԱՍ-ը Հանիեի մահվան համար մեղադրել է Իսրայելին և ԱՄՆ-ին՝ խոստանալով արձագանքել հարձակմանը:
«Իսմայիլ Հանիեի մահից հետո պաղեստինյան գործին մեր աջակցությունը և պաղեստինցի եղբայրների ու քույրերի հետ մեր համերաշխությունը ցույց տալու համար ես օգոստոսի 2-ին համազգային սուգ եմ հայտարարում»,-ասել է Էրդողանը սոցիալական ցանցերում և հրապարակել հրամանագիրը։
Էրդողանը հրամանագիր է հրապարակել այն բանից հետո, երբ Անկարայի օդանավակայանում տեղի է ունեցել Ռուսաստանի, ԱՄՆ-ի և Գերմանիայի միջև գերիների փոխանակում, որն անվանվել է «պատմական»: Թուրքիայի՝ որպես միջնորդի և «օպերատիվ դիտորդի» ընտրությունը բացատրվել է նրանով, որ Թուրքիան ՆԱՏՕ-ի անդամ է, բայց լավ հարաբերություններ է պահպանում Պուտինի հետ։
Իսկ այսօր նա զանգահարել է Հռոմի պապին ու վրդովվել Փարիզում Օլիմպիադայի բացման արարողությունից, որտեղ խաղարկվել է Վերջին ընթրիքի պատմությունը։
Էրդողանը վարում է «գնդաձեւ» աշխարհաքաղաքականություն՝ անտեսելով «չարիքի առանցքի», դաշնակիցների, թշնամիների արհեստական բաժանարար գծերը և տապալելով բոլոր անկյունները։ Նա առաջ է մղում իր շահն ամենուր՝ օգտագործելով բոլոր հնարավոր մեթոդները, իսկ նրա հիմնական շահը թուրքերի «պատմական»՝ զավթած տարածքների իրավունքի հաստատումն է։