Իսրայելն հայտարարել է ՀԱՄԱՍ-ի և Հեզբոլլահի հրամանատարների սպանության մասին
- 10:28 06.08.2024
Իսրայելի պաշտպանության բանակը երկուշաբթի՝ օգոստոսի 5-ին, հայտարարեց Գազայի հատվածում արմատական իսլամիստական ՀԱՄԱՍ շարժման գումարտակի հրամանատար Ջաբեր Ազիզի սպանության մասին։ Ժամեր անց Իսրայելի պաշտպանության բանակը հայտնել է, որ հարավային Լիբանանում ավիահարվածի հետևանքով սպանվել է նաև շիա արմատական «Հեզբոլլահ» շարժման հրամանատար Ալի Ջամալ Ալդին Ջավադը:
Ըստ իսրայելական բանակի, Ջաբեր Ազիզը սպանվել է նախօրեին՝ օգոստոսի 4-ին, Գազայի հատվածում գտնվող Հասան Սալամեհ և Նասեր դպրոցներին հասցված հարվածի արդյունքում, որտեղ գտնվում էր ՀԱՄԱՍ-ի հրամանատարական կետը։ Հրամանատարի հետ սպանվել են նաև «այլ ահաբեկիչներ»։ Ազիզը 2020 թվականից ղեկավարում է Համաս ալ-Ֆուրկան գումարտակը։ Իսրայելի պաշտպանության բանակը հայտնել է, որ նա ծրագրել և մասնակցել է 2023 թվականի հոկտեմբերին Իսրայելի դեմ ահաբեկչական հարձակումներին:
Լիբանանի հարավում գտնվող Էբբա շրջանում սպանվել է նաեւ Հեզբոլլահի Ռադվանի հատուկ նշանակության ջոկատի հրամանատար Ալի Ջամալ Ալդին Ջավադը։ Իսրայելի պաշտպանության բանակը հաղորդագրությանը կցել է հարվածի տեսանյութը։ Այն ցույց է տալիս, թե ինչպես է իսրայելական բանակը հարվածում շարժման մեջ գտնվող մեքենային: