Հայաստանում ծնելիությունը կտրուկ նվազել է, իսկ մահացությունը՝ աճել

Հայաստանում 2024 թվականի հունվար-հունիսին ծնելիության մակարդակը 2023 թվականի նույն ժամանակահատվածի համեմատ նվազել է 7,7 տոկոսով։ Այս մասին են վկայում Հայաստանի ազգային վիճակագրական կոմիտեի հրապարակած տվյալները։ Հայաստանում այս տարվա հունվարից ծնելիության անկում է գրանցվել։

Նշվում է, որ հաշվետու ժամանակահատվածում ծնվել է 15671 երեխա, մինչդեռ 2023 թվականի առաջին կիսամյակում գրանցվել է 16985 նորածին։

Միաժամանակ այս ընթացքում գրանցվել է մահացած ծննդաբերության 227 դեպք, ինչը 9,7 տոկոսով ավելի է 2023 թվականի նույն ժամանակահատվածի համեմատ։

Ընդհանուր առմամբ, 2024 թվականի հունվար-հունիսին հանրապետությունում մահացել է 13 211 մարդ, ինչը 5,9 տոկոսով ավելի է 2023 թվականի նույն ժամանակահատվածի ցուցանիշից։

Նշվում է նաև, որ բնակչության բնական աճը կազմել է 2460 մարդ, այս ցուցանիշը 45,4%-ով պակաս է նախորդ տարվա նույն ժամանակահատվածի համեմատ։