Կեղծավորություն. Հայաստանի խորհրդարանն ընդունում է ոչ թե արցախցի պատգամավորներին, այլ երեխաներին
- 13:17 09.08.2024
«Բաց դաս» ծրագրի շրջանակում ճանաչողական այցով Ազգային ժողովում հյուրընկալվել են Լեռնային Ղարաբաղից բռնի տեղահանված մի խումբ երեխաներ, որոնք ընդգրկված են «Թափանցիկ բարեգործություն» ՀԿ-ի կողմից իրականացվող սոցիալական ծրագրում։ Այս մասին փոխանցում են Ազգային ժողովից։
Տեղահանությունից հետո 10 ամիսների ընթացքում Հայաստանի իշխանությունները, այդ թվում՝ խորհրդարանը, այդպես էլ չեն նախաձեռնել հանդիպումներ Արցախի ընտրված իշխանությունների կամ հասարակության ներկայացուցիչների հետ։ Սոցապ նախարարությունը երբեմն «բնակության զոնաներում» հանդիպումներ է ունենում արցախցիների հետ՝ շփվելով նրանց հետ ինչպես բորոտների։ Արցախի՝ որպես պետական, վարչատարածքային միավորի կամ ազգային միավորի մասին ցանկացած հիշատակում անտեսվում է։ «Արցախ» տեղանունը խստորեն փոխարինվել է «Լեռնային Ղարաբաղ»-ով. Հայաստանի խորհրդարանի պատգամավորները, որոնք ունեն բազմաթիվ «համագործակցության հուշագրեր» ստորագրված արցախցի իրենց գործընկերների հետ, կտրականապես չեն շփվում արցախցի պատգամավորների հետ։ Արցախի հարցը «փոխադարձ համաձայնությամբ» բացառված է ապագա «խաղաղության պայմանագրի» տեքստից, թեև Հայաստանի Սահմանադրությունն ուղղակիորեն հղում է անում Հայաստանի և Արցախի վերամիավորման 1989թ. որոշմանը։ Բաքուն անընդհատ հիշեցնում է այդ մասին, բայց Երևանում ձևացնում են, թե նման բան չկա։
Ինչո՞ւ եք հյուրընկալում փոքրիկ արցախցիներին, այ, ներեցեք, ղարաբաղցիներին, ինչպես կասեր Հայաստանի վարչապետի մամուլի քարտուղարը, Հայաստանի խորհրդարանում։ Ո՞ւմ է պետք նման կեղծավորություն: