Մարտերն ընթանում են Կուրչատովից՝ Կուրսկի ԱԷԿ-ից մի քանի տասնյակ կիլոմետր հեռավորության վրա
- 15:30 09.08.2024
Կուրչատովի սահմաններից մի քանի տասնյակ կիլոմետր հեռավորության վրա, որտեղ գտնվում է Կուրսկի ատոմակայանը, մարտեր են ընթանում, իրավիճակը շարունակում է լարված մնալ, հայտնել է քաղաքի քաղաքապետ Իգոր Կորպունկովը Telegram-ի իր ալիքում։
Կորպունկովը քաղաքի բնակիչներին կոչ է արել չտրվել խուճապին և «թշնամու տեղեկատվական սադրանքներին»։ Նրա խոսքով, ուկրաինական իշխանությունները Կուրսկի շրջանի բնակիչների դեմ օգտագործում են ոչ միայն ռազմական զենք, այլև «հոգեբանական հատուկ ջոկատներ»։ «Նրանց նպատակն է խուճապ սերմանել բնակչության շրջանում, ստեղծել անկառավարելի իրավիճակ և քաոս։ Մեր ընդհանուր խնդիրն է դա թույլ չտալ: Վստահեք միայն պաշտոնական տեղեկատվության աղբյուրներին: Հանգիստ մնացեք և հավատացեք մեր հաղթանակին», – եզրափակեց նա։