Օլիմպիադան ավարտվեց․ Հայաստանը 4 մեդալ նվաճեց
- 12:05 12.08.2024
Հայաստանի հավաքականը Փարիզի 33-րդ ամառային Օլիմպիական խաղերի մեդալային ոչ պաշտոնական հաշվարկում 66-րդն է:
«Արմենպրես»-ի թղթակցի հաղորդմամբ` Ֆրանսիայի մայրաքաղաք Փարիզում կայացած 33-րդ Օլիմպիական խաղերում Հայաստանը ներկայացավ 15 մարզիկով և նվաճեց 4 մեդալ:
Ամառային Օլիմպիական խաղերի արծաթե մեդալակիրներ դարձան մարմնամարզիկ ԱրթուրԴավթյանը, ըմբիշ Արթուր Ալեքսանյանը, ծանրորդ Վարազդատ Լալայանը: Բրոնզ նվաճեց ըմբիշ Մալխաս Ամոյանը:
Օլիմպիական խաղերի մեդալային ոչ պաշտոնական հաշվարկում առաջին տեղը գրավեց ԱՄՆ թիմը, որն ունի 40 ոսկե, 44 արծաթե, 42 բրոնզե մեդալ: Երկրորդ տեղում 40 ոսկե, 27 արծաթե, 24 բրոնզե մեդալով Չինաստանն է, իսկ եռյակի վերջում 20 ոսկե, 12 արծաթե, 13 բրոնզե մեդալով Ճապոնիան է:
Փարիզի 33-րդ ամառային Օլիմպիական խաղերն ավարտված են:
Փակման արարողությանը Հայաստանի դրոշակակիրը Օլիմպիական խաղերի ոսկե, կրկնակի արծաթե, բրոնզե մեդալակիր, Եվրոպայի 7-ակի, աշխարհի առաջնության քառակի չեմպիոն ըմբիշ Արթուր Ալեքսանյանն էր: