Մարտունու շրջանը կռվել է մինչև վերջ, ասում է Բորիս Մուսայելյանը

Մարտունին Արցախի ամենամեծ շրջաններից է։ Նրա բնակիչներն առանձնահատուկ դեր են ունեցել արցախյան ազատագրական պայքարում։ Ցուցաբերելով արիություն ու հերոսություն՝ նրանցից յուրաքանչյուրը կռվեց մինչև վերջ։

Մարտունեցիներն իրենց անգնահատելի ավանդն են ունեցել Արցախյան չորս պատերազմների ընթացքում հայրենիքի պաշտպանության գործում։ Նույնիսկ 44-օրյա պատերազմի ժամանակ, երբ հակառակորդի ուժերը հարյուր, հազարավոր անգամ գերազանցում էին Արցախի պաշտպանության բանակի ուժերին, թշնամու զինվորը այդպես էլ ոտք չդրեց այս սուրբ հողի վրա։

Պետք է հարգանքի տուրք մատուցել Արցախի և Հայաստանի լեգենդար հերոս Մոնթե Մելքոնյանին, ով Արցախյան առաջին պատերազմի ժամանակ գլխավորել է Մարտունու պաշտպանական շրջանը և ժողովրդի հետ ուս ուսի տված պայքարել Արցախի ազատագրման համար։ Մոնթեն անձնական օրինակով անվախություն և երկար սպասված հաղթանակի հույս է սերմանել պաշտպանների մեջ։ Իզուր չէ, որ Մարտունին հետագայում ստացավ երկրորդ անունը՝ «Մոնթեաբերդ»։

Ցավոք սրտի, Մարտունու շրջանը պաշտպանելու համար հազարավոր մարտիկներ են զոհվել, այդ թվում՝ Արսեն Մայիլյանը, Գեւորգ Միրզոյանը, Արթուր Աղաջանյանը, այս ցուցակն այնքան երկար է, որ ցանկը կարող է անվերջ լինել։

Մեր օրերում լեգենդար Մարտունու պաշտպանության պատիվը արժանապատվորեն պաշտպանեցին հերոսների իրավահաջորդները։

Բորիս Մուսայելյանը ծնունդով Ճարտար գյուղից է։ 2023 թվականի և՛ 44-օրյա, և՛ մեկօրյա պատերազմների ակտիվ մասնակից։ Մասնակցել է Ամարասի վանքի պաշտպանության մարտերին, որի ժամանակ ծանր վիրավորվել է։

«Սեպտեմբերի 19-ին կատաղի մարտեր են սկսվել Ամարասի վանքի մոտ գտնվող Մաճկալաշեն գյուղում։ Մեր տղաները ամբողջ օրը կռվել են մինչև վերջին գնդակը՝ թույլ չտալով թշնամուն մոտենալ վանքին։ Ուժերը, մեղմ ասած, անհավասար էին։ Մենք սպասում էինք, որ օգնությունը կգա ամեն րոպե, բայց այն այդպես էլ չեկավ: Եվ, ի վերջո, երկար, սարսափելի մարտերից հետո հակառակորդին հաջողվեց գրավել մեր դիրքերը։ Մեր հարյուրավոր տղաներ զոհվեցին, շատերը վիրավորվեցին, իսկ այդ ընթացքում ռուս խաղաղապահները թաքնվում էին նկուղներում։ Ես ոչ մի բանի համար չեմ ափսոսում, ընդհակառակը, հպարտ եմ, որ չնայած ամեն ինչին, մենք կարողացանք պաշտպանել մեր նախնիների պատիվը, և վստահաբար կարող եմ ասել, որ հաղթանակը մերը կլիներ, եթե մեզ չդավաճանեին։ Արցախը, վաղ թե ուշ, հայկական է լինելու»,- Step1.am-ի հետ զրույցում ասաց Բորիսը։

Արսեն Աղաջանյան