«Նոր հարթակներ արցախցիների համար»․ տեղեկատվական հանդիպումներ

Այսօր Երևանում ‘’Restart Foundation” ՀԿ-ի նախաձեռնությամբ մեկնարկել է տեղեկատվական հանդիպումների շարք «Նոր հարթակներ արցախցիների համար» խորագրով:

Ծրագրի գլխավոր նպատակը արցախցի երիտասարդներին Հայաստանում գործող հասարակական կազմակերպությունների և հիմնադրամների գործունեության մասին տեղեկատվության տրամադրումն էր:

Ծրագրի երկրորդ մասում արցախցի ուսանողներին ծանոթացրել են նաև «Էրազմուս+» ծրագրին: Ըստ ծրագրի համակարգողների, հանդիպումների շարք ստեղծելու գաղափարը ծագել է արցախցիների կարիքների գնահատումից հետո, երբ մասնակիցների մեծամասնություննը նշել են, որ գրեթե տեղեկություն չունեն ՀՀ-ում գործող հասարակական կազմակերպությունների և հիմնադրամների մասին:

Նշենք նաև, որ ծրագրի հաջորդ փուլերը նախատեսված է իրականացնել օգոստոսի 17 և 23:

Քրիստինա Ալավերդյան