«Հադրութի և Շուշիի օկուպացիան միշտ էլ եղել է թշնամու հրամայականը»
- 18:22 16.08.2024
Հադրութի պաշտպանությունն այն ժամանակ ավելին էր նշանակում, քան ներկայացված է Արցախի նորագույն պատմության մեջ,- նշել է Step1.am-ի հետ զրույցում Արցախյան շարժման մասնակից Գագիկ Ավանեսյանը։ – Թշնամու ձեռքին էր ամբողջ Մարտակերտը, Շահումյանը հանձնված էր, եթե մենք էլ կորցնեինք Հադրութը, Արցախը կորցնելու հավանականությունը զգալիորեն կմեծանար։
«Հադրութի և Շուշիի օկուպացիան ադրբեջանական կողմի հրամայականն էր բոլոր պատերազմների ժամանակ։ Ցավոք, հայ վայ-հայրենասերները ամեն կերպ նսեմացրել են Հադրութի և Շուշիի գործոնը։ Բայց Ադրբեջանի ղեկավարությունը հո լավ է հասկանում, թե ինչ է սիմվոլիկան և ինչպես կարող է այն ազդել մարդկանց վրա։ Շուշին Կովկասի պատմամշակութային կենտրոնն է, իսկ Ղարաբաղյան ազատագրական շարժումը սկսվել է Հադրութ քաղաքից։ Ադրբեջանը լավ էր հասկանում, որ գրավելով այդ քաղաքները՝ կթուլացնի հայ ազգի կամքը»,- ասաց Գագիկ Ավանեսյանը։