“Արի պարի, որ հայկականը չմոռացվի”
- 17:03 17.08.2024
Օգոստոսի 16-ին Անգլիական այգում հնչեցին հին ու նոր ձայնագրություններ, կազմակերպվեցին պարուսուցումներ: Միջոցառման նպատակն է հայ ազգային ավանդական պարերին նոր շունչ հաղորդել, հայկական պարը վերադարձնել կենցաղ:
“Պարը սեր տարածելու լավագույն միջոցն է: Անծանոթ մարդիկ համախմբված, ուս ուսի տված, իրար ձեռք բռնած պարում են ու իրար գրկում: Բացի դրանից, պետք է իմանալ մի քանի հայկական պար ուրախ առիթներին պարելու համար: Մենք ստեղծել ենք տելեգրամյան հարթակ, որտեղ տեղադրում ենք կազմակերպվող բոլոր միջոցառումների մասին տեղեկությունները, ասել է «Արի պարի» նախաձեռնության հիմնադիր Համազասպ Ասլանյանը։
Տաթև Ազիզյան