Սարսափելի ավտովթար Իրանում, զոհվել է 28 ուխտավոր
- 11:11 21.08.2024
Իրանում շիա ուխտավորներին Պակիստանից Իրաք տեղափոխող ավտոբուսը շրջվել է, ինչի հետևանքով զոհվել է 28 մարդ, վիրավորվել՝ 23-ը, հաղորդում է Իրանի պետական հեռուստատեսությունը։
Միջադեպը տեղի է ունեցել Յազդ նահանգի Դեհշիր-Թաֆթ մայրուղու վրա։ 14 տուժածի վիճակը գնահատվում է ծանր։
Նախնական տվյալներով՝ վթարի պատճառը ավտոբուսի արգելակային համակարգի անսարքությունն է եղել, լրատվամիջոցները մեջբերում են Յազդի ոստիկանապետ, գնդապետ Հաջի Դեհաբադիին։
Արբաինի երթը շիաների ծեսերից մեկն է, որոնք Իրաքի տարբեր շրջաններից ուխտագնացության են գնում դեպի Քերբալայում գտնվող Իմամ Հոսեյնի սրբավայրը: Այս տարի արարողությունը տեղի կունենա օգոստոսի 25-ին։