Զորավարժություններ Հայաստանում եւ Ադրբեջանում
- 20:37 21.08.2024
ՀՀ պաշտպանության նախարարության և զինված ուժերի գլխավոր շտաբի կառուցվածքային ստորաբաժանումներն օգոստոսի 20-21-ը համատեղ շտաբային մարզում են անցկացնում։ Տեղեկությունը հայտնում է ՀՀ ՊՆ մամուլի ծառայությունը։ Նշվում է, որ շտաբային մարզումների շրջանակում իրականացվում են մարտական պատրաստականության մարտավարաշարային պարապմունքներ:
«Ծավալված կառավարման կետերում առաջադրվում են խնդիրներ, ներկայացվում են մտահղացումներ, ստուգվում են ստորաբաժանումների ներդաշնակ գործելու կարողություններն ու պատրաստականության աստիճանը»,– ասված է հաղորդագրության մեջ։
Միեւնույն ժամանակ Ադրբեջանի ԶՈՒ-ի հակաօդային ուժերի ռադիոտեխնիկական ստորաբաժանումները «հատուկ տակտիկական վարժանքներ» են անցկացնում, այս մասին հայտնում է այդ երկրի ՊՆ-ի մամլո ծառայությունը:
«Զորավարժությունների հիմնական նպատակն է կատարելագործել ղեկավար անձնակազմի գործնական հմտությունները պայմանական թշնամու կողմից անակնկալ օդային հարձակումները հետ մղելու գործողությունները», – ասված է հաղորդագրությունում։