Ուկրաինական անօդաչու սարքերը հասել են Մուրմանսկ

Ռուսական Տու-95 ռազմավարական ռմբակոծիչները ստիպված են փախչել Օլենյա ավիաբազայից, որը գտնվում է Կոլսկի թերակղզում, Մուրմանսկի շրջանում, ուկրաինական հարվածային անօդաչու թռչող սարքերի հարձակման պատճառով։

Չորեքշաբթի՝ օգոստոսի 21-ին, նշված հինգ հրթիռակիր ռմբակոծիչները օդ են բարձրացել Սարատովի մարզի Էնգելսի օդանավակայանի ուղղությամբ։

Ալեքսեյ Նավալնիի շտաբի նախկին համակարգող Վիոլետա Գրուդինան հայտնել է, որ Ուկրաինայի զինված ուժերի անօդաչու սարքերն արդեն չորրորդ օրն է, ինչ գրոհում են Մուրմանսկի շրջանում գտնվող ռազմական օբյեկտները։ Նա տեսանյութ է հրապարակում, որտեղ, ըստ նրա, երևում է ուկրաինական անօդաչու թռչող սարք Վիսոկի փակ ռազմական գյուղի մոտ։

«Թռիչք հարավից է եկել։ Սկզբից 1300 մ բարձրության վրա, հետո իջել է 900 մ ու կորել։ 15-20 րոպեից սպասում էին ժամանելուն, տարհանեցին ձեռնարկությունները»,- ասվում է ականատեսների՝ Գրուդինային ուղարկված տեսանյութի մեկնաբանության մեջ։